અક્ષરના વાસી વાહલો આવ્યા અવની પર,
નવખંડ ધરતીમાં સ્વામી છતરાયા ચાલે રાજ
અક્ષરના વાસી વાહલો આવ્યા અવની પર
અવની પર આવી વાહલે સત્સંગ સ્થાપ્યો
હરીજનો ને કોલ કલ્યાણનો આપ્યો રાજ
અક્ષરના વાસી વાહલો આવ્યા અવની પર
પાંચે વર્તમાન પાળે બાઈઓ અને ભાઈઓ
હરીજન સાથે કીધી સાચી સગાઈઓ રાજ
અક્ષરના વાસી વાહલો આવ્યા અવની પર
બાઈઓ દેખીને ભાઈઓ છેટેરા ચાલો
પડી વસ્તુ કોઈની હાથે નવ જાલે રાજ
અક્ષરના વાસી વાહલો આવ્યા અવની પર
દેવના દેવ વાહલો ધામના ધામી
પ્રગટ પ્રભુનું નામ સહજાનંદ સ્વામી રાજ
અક્ષરના વાસી વાહલો આવ્યા અવની પર
પ્રેમાનંદનો વાહલો આનંદકારી
પોતાના જનની વાહલે લાજ વધારી રાજ
અક્ષરના વાસી વાહલો આવ્યા અવની પર