ઓલા કાન્હાને
(ઓલા કાનાને કહો રમવાને
રાસે આવે વહેલો)…2
(કે આવે ગોમતીને ઘાટ રે
રાધા જોવે જોને વાટ રે)…2
જટ આવને જોજે વખતના વીતી જાય
રઢિયાળી રાત આમના આમ વહેતી જાય
ઓલા કાન્હાને
ઓલા કાન્હાને કહો રમવાને
રાસે આવે વહેલો
આવને કાન્હા
આવને કાન્હા તારી હારે ગરબે હું તો ઘૂમું
તારા વગર કાન્હા મને લાગે સુનુ સુનુ
સાજ સજેલા એકલવાયા તો લાગે અધુરુ
પ્રીતમાં તારી કાન્હા હું તો જગ આખું રે ભૂલું
કે હૈયામાં છે થનગનાટ રે
એકલા ઝાંખો જગજગાટ રે
કે આવે ગોમતીના ઘાટ રે
રાધા જોવે જોને વાટ રે
જટ આવને જોજે વખતના વીતી જાય
રઢિયાળી રાત આમના આમ વહેતી જાય
ઓલા કાન્હાને……
ઓરે કાન્હા
તરસે આંખ વિરહમાં તને ગોતે ખુણે ખુણે
પુછુ હું સૌને પણ કોઈના મારુ સુણે
આમને આમ સતાવે કાહ્નો કેટલીવાર કયુ ને
બેઠી હું રિશામણે મનાવતો ના તું મને
લે આવ્યો ગોમતીના ઘાટ રે
રંગે રમશું રાધા સાથ રે
કે આવું ગોમતીના ઘાટ રે
નહી જોવાડુ આમ વાટ રે
ઓ રે રાધા જોવીરે પડે પ્રીતમની કદી વાટ
નીરખી મને છુપાવ ના તારા હોઠનો મલકાટ
(રાધા તારી પ્રીત ને કેમ રે ભુલાય
તારા વિના રાધા કાનો, કાનો ના કેહવાય)…૨
ઓલા કાન્હાને……