મોરલી બાજે રે મીઠી, મોરલી રે બાજે,
સંભાલને શ્યામલિયાજી ની મોરલી બાજે.
મીઠા સ્વરે મોહનજીની મોરલી રે ગાજે,
મોરલી રે ગાજે
સાંભળવાને સૈયર મારુ દલડુ રે દાજે
મોરાલી રે બાજે,
મોરલી બાજે રે મીઠી……
આવે અલબેલો વાલો ગોવાળોને કાજે,
ગોવાળોને કાજે
ગાતા આવે ગિરિવર સુંદર સમાજે,
મોરલી રે બાજે,
મોરલી બાજે રે મીઠી……
મોર મુગટ કાને કુંડલ, વરમાળા રાજે,
વરમાળા રાજે
નંદ કુંવરને નિરખી કોટિ કંદર્પ લાજે,
મોરલી રે બાજે,
મોરલી બાજે રે મીઠી……
પિતાંબર ની પલવથ વાળી છત્ર શિર છાજે,
છત્ર શિર છાજે
પ્રેમાનંદ નો વાલો ચલો, જોવાને કાજે,
મોરલી રે બાજે,
મોરલી બાજે રે મીઠી……