મનડું રંગાયું જલારામ રંગમાં Lyrics in Gujarati
મનડું રંગાયું જલારામ રંગમાં રે.
હે લાગે નહિ બીજો હવે કોઈ રંગ રે.
મનડું રંગાયું જલારામ રંગમાં રે.
ધન્ય જીવન એનું જાણ જો રે.
હે લાગ્યો જેને જલારામ કેરો રંગ રે.
મનડું રંગાયું જલારામ રંગમાં રે.
મૂર્તિ સન્મુખ મુજને ભાસતી રે.
હે નીરખે નયન દિન ને રાત રે.
મનડું રંગાયું જલારામ રંગમાં રે.
બાપા મન મંદિર માં બીરાજતા રે.
હે કરશું સેવા ધરમના કામ રે.
મનડું રંગાયું જલારામ રંગમાં રે.
અમને એક તમારો આશરો રે.
હે બીજું રટુ નહી હું તો નામ રે.
મનડું રંગાયું જલારામ રંગમાં રે.
ધૂપ દીપ કરીને ધ્યાન ધરજો રે.
હે લેજો નિત જલારામ કેરું નામ રે.
મનડું રંગાયું જલારામ રંગમાં રે.
સાચા સંત સોરઠના બાપા તમે રે.
હે વંદન સ્વીકારો જલારામ રે.
મનડું રંગાયું જલારામ રંગમાં રે.