હો… હાથ તારા કેમ ના કપાણા
હાથ તારા કેમ ના કપાણા
બીજાની મહેંદી મુકતા
અરે… કાળજા કેમ ના વઢાણા
બીજાની પીઠી ચોળતા
હો… પારકા હારે ચોરી એ ચઢ્યા
કોલ દીધેલા ભૂલી રે ગયા
કોના સહારે અમને મેલ્યા
હો… રોતા રહ્યા રે અમે રાહમાં
હસી ને તમે હાહરે ગયા
હાથ તારા કેમ ના કપાણા
બીજા ની મહેંદી મુકતા
તારા ઘેર લગન ના ઢોલ રૂડા વાગશે
મારાથી જાનુ એ કેમ હંભળાશે
શરણાયુ ના મીઠા સુર રે રેલાશે
હાંભળી ને મારુ હૈયું રે વીંધાશે
મેહદી મૂકી તે તો મારા લોહીની
ગરીબી જોઈ તે તો મારા ઘરની
છેડો ફાડી ને તમે હાલ્યા
અરે… રોતા રહ્યા રે અમે રાહમાં
હસી ને તમે હાહરે ગયા
હાથ તારા કેમ ના કપાણા
બીજાની મહેંદી મુકતા
સોળે શણગાર સજી ચોરીમાં તું આવશે
એજ ઘડી એ મારા પ્રાણ નીકળશે
ચોરી એ ચડીશ તું લગણીયા ગવાશે
મારા ઘેર મરણ ના મરસીયા ગવાશે
હો… પાનેતર ઓઢી તું પારકા ઘેર જઈશ
દુનિયા ને હું અલવિદા કહીશ
બળતા મેલ્યા રે શ્મશાનમાં
બળતા રહ્યા રે અમે આગમાં
પાનેતર ઓઢી પારકા થયા
હાથ તારા કેમ ના કપાણા
બીજા ની મહેંદી મુકતા
કાળજા કેમ ના વઢાણા
બીજાની પીઠી ચોળતા
બીજાની મહેંદી મુકતા
બીજાની મહેંદી મુકતા.