હરિને ભજતાં હજુ કોઈની લાજ જતાં નથી જાણી રે
જેની સુરતા શામળિયા સાથ વદે વેદ વાણી રે
વહાલે ઉગાર્યો પ્રહલાદ હરણા કંસ માર્યો રે
વિભીષણને આપ્યું રાજ રાવણ સંહાર્યો રે
વહાલે નરશિંહ મહેતાને હાર હાથોહાથ આપ્યો રે
ધ્રુવને આપ્યું અવિચળ રાજ પોતાનો કરી સ્થાપ્યો રે
વ્હાલે મીરાં તે બાઈના ઝેર હળાહળ પીધાં રે
પાંચાળીના પૂર્યા ચીર પાંડવ કામ કીધાં રે
આવો હરિ ભજવાનો લ્હાવો ભજન કોઈ કરશે રે
કર જોડી કહે પ્રેમળદાસ ભક્તોના દુઃખ હરશે રે