હો કહેજ્યો જઈ કોઈ જશોદાના કાન ને
હો કહેજ્યો જઈ કોઈ જશોદાના કાન ને
યાદ કરી રોવે રાધા નંદના લાલ ને
હો એક વાર ગોકુળ આવી જા ને ચિત્તડાંના ચોર
એક વાર ગોકુળ આવી જા ને ચિત્તડાંના ચોર
અષાઠી ટહુક્યા મોર મને હાંભરે માખણ ચોર
હો અષાઠી ટહુક્યા મોર મને હાંભરે માખણ ચોર
હો કહેજ્યો જઈ કોઈ જશોદાના કાન ને
યાદ કરી રોવે રાધા નંદના લાલ ને
હો સુનો જમુના ઘાટ ને સુનો રે કિનારો
નથી સંભળાતા તારી વાંસળીના સૂરો
હો આવે મને કાના એ તારા રે વિચારો
જોવા તારું મુખડું તડપે જીવલડો આ મારો
હો તને મળવા માધવ મનડું મારુ થયું રે વિભોર
તને મળવા માધવ મનડું મારુ થયું રે વિભોર
અષાઠી ટહુક્યા મોર મને હાંભરે માખણ ચોર
હો અષાઠી ટહુક્યા મોર મને હાંભરે માખણ ચોર
હો ખીલ્યો આ બી ચાંદોને રાત અજવાળી
રાસે કોણ રમશે તારા વિના રે વનમાળી
હો પૂછે મને ગોપીયો ને ગાયો આ તારી
કેને રાધા ક્યારે ઓલ્યો આવશે રે મોરાલી
હો તારા હૈયાના રે હેત કેમ થયા રે કઠોર
તારા હૈયાના રે હેત કેમ થયા રે કઠોર
અષાઠી ટહુક્યા મોર મને હાંભરે માખણ ચોર
હો અષાઠી ટહુક્યા મોર મને હાંભરે માખણ ચોર
હો લાગી ગઈ તને રે હવે મથુરા ની માયા
ભૂલી ગયો ભૂલકણા કેમ આવતો નથી અહીંયા
હો મીઠા હાલરડાં માતા જસોદાજી ગાવે
નથી તું પારણીયે તોયે પારણિયું ઝુલાવે
હો જીરવાતો નથી વિરહ તારો નંદના કિશોર
જીરવાતો નથી વિરહ તારો નંદના કિશોર
અષાઠી ટહુક્યા મોર મને હાંભરે માખણ ચોર
હો અષાઠી ટહુક્યા મોર મને હાંભરે માખણ ચોર.