રૂમઝૂમ પગલે આવી માયરામાં બેની લિરિક્સ ગુજરાતીમા
રૂમઝૂમ પગલે આવી માયરામાં બેનડી,
કુમકુમ પગલે આવી માયરામા બેનડી,
જાણે ઢળકતી ઢેલડી રે
આજે આવી મારી બેનડી,
રૂમઝૂમ પગલે આવી…
પહેર્યો રાતો ચૂડલોને ઓઢી નવરંગ ચૂંદડી,
સેંથામાં સીંદુર સોહેને ભાલે કુમકુમ ટીલડી,
નમણી નાગર વેલડી હો
આજ આવી મારી બેનડી
રૂમઝૂમ પગલે આવી…
કંચન વર્ણા કાંડે કંકણ રણકે હાથે,
નાજુક પગલે ઝાંઝર ઝણકે,
જાણે આનંદની હેલડી રે
આજ આવી મારી બેનડી,
રૂમઝૂમ પગલે આવી…