સાચી રે મારી
સાચી રે મારી સત રે ભવાની મા, અંબા ભવાની મા…
હું તો તારી સેવા કરીશ મૈયા લાલ
નવ નવ નોરતાં પૂજાઓ કરીશ મા
વિરાટનો ગરબો તારો ઝીલીશ મૈયા લાલ
સાચી રે મારી સત રે ભવાની મા, અંબા ભવાની મા…
જ્યોતિમાં એક તારી છે જ્યોતિ
માતા સતનું ચમકે છે મોતી
માડી રે મારી શક્તિ ભવાની મા
હું તો તારી આરતી ઉતારું મૈયા લાલ
સાચી રે મારી સત રે ભવાની મા, અંબા ભવાની મા…
શક્તિ રે તું તો જગની જનેતા મા
ભોળી ભવાની મા અંબા ભવાની માત
હું તો તારા પગલાં પૂજીશ મૈયા લાલ
સાચી રે મારી સત રે ભવાની મા, અંબા ભવાની મા…
જગમાં તેં જ એક માયા રચાવી
દર્શન દેવા તું સામે રે આવી
માડી રે આવો રમવા ભવાની મા
હું તો તારાં વારણાં લઈશ મૈયા લાલ
સાચી રે મારી સત રે ભવાની મા, અંબા ભવાની મા…
