Jya Jya Najar Mari Thare Yadi Bhari Tya Aapni

આજની ઘડી તે રળિયામણી
(નરશિંહ મહેતા)

આજની ઘડી તે રળિયામણી.
હે મારો વહાલોજી આવ્યાની વધામણી હોજી રે…આજની …

જી રે તરિયા તોરણ તોબંધાવિયાં
હે મારા વહાલાજીને મોતિડે વધાવિયાં હોજી રે…આજની …

જિ રે લીલુડા વાંસ વઢાવીએ
હે મારા વહાલાજી નો મંડપ રચાવીએ હોજી રે…આજની …

પૂરોપૂરો સોહાગણ સાથિયો
હે વહાલો આવે મલપતો હાથિયોહોજી રે…આજની …

જી રે જમુનાનાં જળ મંગાવીએ
હે મારા વહાલાજીનાં ચરણ પખાળીએ હોજી રે…આજની …

સહુ સખીઓ મળીને વધાવીએ
હે મારા વહાલાજીનાં મંગળ વધાવીએ હોજી રે…આજની …

જી રેતન મન ધન ઓવારીએ
હે મારાં વહાલાજીની આરતી ઉતારીએ હોજી રે…આજની …

જી રે રસ વાધ્યો છે અતિ મીઠડો
હે મહેતા નરસૈંનોસ્વામી દીઠડો હોજી રે…આજની .