Ambama Na Uncha Mandir Nicha Mol

અંબામા ના ઊંચા મંદિર નીચા મોલ
ઝરૂખડે દીવા બળે રે લોલ ॥

અંબામા ના ગોખ ગબ્બર અણમોલ
કે શિખરે શોભા ઘણી રેલોલ ॥

આવી આવી નવરાત્રિ ની રાત
કે બાળ તારાં રાસે રમે રે લોલ ॥

અંબામા ગરબે રમવા આવો
કે બાળ તારાં વિનવે રે લોલ ॥

અંબામા ને શોભે છે શણગાર
કે પગલે કંકુ ઝરે રે લોલ ॥

રાંદલમા રાસે રમવા આવો
કે મુખડે ફ़ૂલડાં ઝરે એ લોલ ॥

બહુચરમા ગરબે રમવા આવો
કે આંખથી અમી ઝરે રે લોલ ॥

મા તારૂં દિવ્ય અનુપમ તેજ
કે જોઈ મારી આંખ ઠરે રે લોલ ॥

ગરબો તારો બાળ ગવરાવે
કે ભક્તો તારા પાયે પડે રે લોલ ॥