માછલી વીહાની દરિયા ને બેટ
સરવણ રહ્યો એની માને પેટ
કાળી પછેડી ને ભમરિયાળી ભાત
સરવણ જનમ્યો માઝમ રાત
કાળી પછેડી ને ભમરિયાળી ભાત
સરવણ જનમ્યો માઝમ રાત
એ અડી કડી વાવ ને નવઘણ કૂવો
ત્યાં સરવણ નો જનમ હુઓ
લાંબી પીપળ ને ટૂંકા પાન
સરવણ ધાવે એની માને રે સ્તાન
લાંબી પીપળ ને ટૂંકા પાન
સરવણ ધાવે એની માને સ્તાન
પાંચ વરસનો સરવણ થીયો
લઇ પાટી ને ભણવા ગીયો
ભણી ગણી ને બાજંદો થયો
સુગરી નારને પરણી ગયો
ભણી ગણી ને બાજંદો થયો
સુગરી નાર ને પરણી ગયો
એ સુગરી નાર મારા વચન સુનો રે
મારા આંધળા માં બાપ ની સેવા કરો
તારા માં બાપ ને કુવા માં નાખ
મને મારે પિયરી એ વળાવ
તારા માં બાપ ને કુવા માં નાખ
મને મારે પિયરી એ વળાવ
મોર સરવણ ને વાહે એની નાર
આયા બંન્ને સસરા ને દ્વાર
સસરાજી રે મારા વચન સુનો
તમારી દીકરીને ઘર માં પૂરો
સસરાજી રે મારા વચન સુનો
તમારી દીકરીને ઘર માં પૂરો
એ રો રો જમાઈ રાજ જમતા રે જાવ
દીકરી ના અવગુણ કહેતા રે જાવ
ઈ રે અભાગણીના મોં કોણ જુએ
મારા આંધળા માં બાપ ને નાખે કૂવે
ઈ રે અભાગણીના મોં કોણ જુએ
મારા આંધળા માં બાપ ને નાખે કૂવે
ત્યાં થી સરવણ હાલ્યો લે જાય
સુથાર ના ઘર પૂછજો રે જાય
ભાઈ સૂથારી મારા વચન સુનો
મારા આંધળા માં બાપ ની કાવડ ઘડો
ભાઈ સુથારી મારા વચન સુનો
મારા આંધળા માંબાપની કાવડ ઘડો
એ કાવડ ધડજ્યો ઘાટ સધાત
સોઈ લાવે છે મારા માં ને બાપ
આંધળા માં બાપ ને આનંદ થાય
અડસઠ તીરથ કરવાને જાય
આંધળા માં બાપ ને આનંદ થાય
અડસઠ તીરથ કરવાને જાય
ગંગા જમણા એ નાયા રે નીર
ત્યાંથી હાલ્યો સરયુને પીર
ડગલે પગલે પંથ કપાય
આંધળા માંબાપ તરસ્યારે થાય
ડગલે પગલે પંથ કપાય
આંધળા માંબાપ તરસ્યારે થાય
એ કાવડ મૂકી જો આંબલીય ની ડાળ
કાવડ મૂકી જો આંબલીય ની ડાળ
સરવણ પાણી ભરવા ને જાય
ભરિયા લોટાને ખખડ્યાં નીર
સરવણ વીંધાયો પહેલે તિર
ભરિયા લોટાને ખખડ્યાં નીર
સરવણ વીંધાયો પહેલે તિર
તરસ્યા તપસ્વી પાણીડાં પીવો
તમારો સરવણ સ્વર્ગે ગીયો
આંધળા માં બાપે હામભળિ વાત
દાગે દલડે દીધેલો શાપ
આંધળા માં બાપે સાભળિ વાત
દાગે દલડે દીધેલો શાપ
એ પુત્ર વિયોગે અમે ત્યગિયે રે પ્રાણ
દશરથ તારા એ એધાણ
દશરથ તારે દીકરા ચાર
અંત સમયે નહિ એકે પાસ
દશરથ તારે દીકરા ચાર
અંત સમયે નહિ એકે પાસ
દશરથ તારે દીકરા ચાર
અંત સમયે નહિ એકે પાસ.