Ho Rang Rasiya Kya Rami Avya Ras Jo

હો રંગ રસિયા ! ક્યાં રમી આવ્યા રાસ જો?
આંખલડી રાતી ને ઉજાગરો શાને કીધો.

આજ અમે ગ્યાતા સોનીડાને હાટ જો,
આ ઝાલ ઝૂમણા વહોરતાં ને વહાણલાં વાહી ગયાં ..o રંગ …

આજ અમે ગ્યાતા મણિયારાને હાટ જો,
આ ચૂડલડો ઉતરાવતાં વહાણલાં વાહી ગયાં ..o રંગ …

આજ અમે ગ્યાતા કસુંબીને હાટ જો,
આ ચુંદલડી વહોરતાં વહાણલાં વાહી ગયાં ..o રંગ …

આજ અમે ગ્યાતા મોચિડાને હાટ જો,
આ મોજડિયું મૂલવતાં ને વહાણલાં વાહી ગયાં ..o રંગ .